Trueber Bueb

Komponist:
Text:

I bi n e Aemmithaler, u desse bi n i stolz,
es wachst i üsne Grebe viel saftig’s Pfyffeholz,
viel saftig’s Pfyffeholz, u mänge chäche Bueb.
Ja i bi n e Aemmithaler in bi n e Bueb, e Bueb vo Trueb.
Ja i bi n e Aemmithaler in bi n e Bueb, e Bueb vo Trueb.

Im Hütte, Brandösch, Twäre, im Fankhuus bis zum Napf,
da förchtet me fy tapfer nid gleitig Chlupf u Chlapf,
nid gleitig Chlupf u Chlapf, wi mänge bleiche Bueb.
Ja i bi n e Aemmithaler in bi n e Bueb, e Bueb vo Trueb.
Ja i bi n e Aemmithaler in bi n e Bueb, e Bueb vo Trueb.

My Vater, dä het g’schwunge, scho mängisch obenuus,
Dä lehrt mi’s o am Abe u Morge vor em Hus
u Morge vor em Hus. I bi n e Schwingersbueb.
Ja i bi n e Aemmithaler in bi n e Bueb, e Bueb vo Trueb.
Ja i bi n e Aemmithaler in bi n e Bueb, e Bueb vo Trueb.

O d’ Muetter isch e festi, si chunt vom Seltebach.
Im Seltebach isch sälte, es Meidschi pring u schwach,
es Meidschi pring und schwach. I bi d’r Muetter Bueb.
Ja i bi n e Aemmithaler in bi n e Bueb, e Bueb vo Trueb.
Ja i bi n e Aemmithaler in bi n e Bueb, e Bueb vo Trueb.

Mym Herrgott wott i’s zeige und o mim Vaterland.
We’s rüeft, so nimmt me d’Büchse rächt flingg u fesch i d’Hand,
rächt flingg u fesch i d’Hand. I bi n e Schwyzerbueb.
Ja i bi n e Aemmithaler in bi n e Bueb, e Bueb vo Trueb.
Ja i bi n e Aemmithaler in bi n e Bueb, e Bueb vo Trueb.