Eusi Kompanie

Komponist:
Text:

1. Eusi Kompanie ischt die schönste wit und breit, i dr
ganze Schwyz hät sich das scho umegseit. De Hauptma isch en
gfitzte Chog, de Lütnant isch en Hirsch, und gseht er wo en
Maitlirock, so brucht er grad en Kirsch!
Refr.: Maitli, min Stern, di han i gärn, hüt bischt du min allerliebste
Schatz, morn mach i em andere denn Platz. Dä isch denn nit so schün wie i,
so lieb wie i, so treu wie i, mach dir nüd drus, liebs Maiteli, denn i bi jo
dr Stolz von eusre Kompanie !

2. Euse Wachtmeister hät en wunderschöne Schnauz, wenn
er dä dänn trüllt, jo, do wüssed mer: er haut’s ! De Korporal, dä
hät en Wahn, dä steckt em hoch im Grind, er streckt de Hals
grad wie n’en Schwan, gseht er e schnusigs Chind !
Refr.: Maitli, min Stern, di han i gärn, hüt bischt du min allerliebste
Schatz, morn mach i em andere denn Platz. Dä isch denn nit so schün wie i,
so lieb wie i, so treu wie i, mach dir nüd drus, liebs Maiteli, denn i bi jo
dr Stolz von eusre Kompanie !

3. Eusi Kompanie bis zum letschte Füsilier hät bi Tag und
Nacht immer langi Zyt nach dir, drumm bruchscht du gar kei
Angscht me z’ha, du schtohscht i eusem Schutz, und loht di au
de Lütnant schtoh, vilicht nimmt di sin Putz.
Refr.: Maitli, min Stern, di han i gärn, hüt bischt du min allerliebste
Schatz, morn mach i em andere denn Platz. Dä isch denn nit so schün wie i,
so lieb wie i, so treu wie i, mach dir nüd drus, liebs Maiteli, denn i bi jo
dr Stolz von eusre Kompanie !