Alles fahrt Schi

Komponist:
Text:

Stammt vom Trio Ammann aus Basel

1. s’Grittli mit Keilhose, satte, puderet, g’schminkt, parfü-
miert, stoht wie ne Kueh uff de Latte, z’mitts uff dr Piste und
friert. D’Hänsche hett ‘s Grittli verlore, iskalt sind d’Finger vom
Schnee: ‘s jommeret halber verfrore: “Wie schön wär’s bim
‘Feif-o-Glogge-Tee’!”
Refr.: Alles fahrt Schi, alles fahrt Schi,
Schi fahrt die ganzi Nation. Alles fahrt Schi, alles fahrt Schi,
d’Mamme, dr Bappe, dr Sohn. Es git halt nüt Schöners, juhe,
juhe, als Sunneschy, Bärge und Schnee.

2. D’Schilehrer flott demonschtriere, Slalom und Sprunglauf
im Schuss. Gli wills dr Meier probiere, fliegt wiene Mählsagg
uff d’Nuss. Springe uff d’Syte macht Freude: stolz seit dr Lehrer:
” ‘s isch guet !” Druff meint dr Meier bescheide: “Dr Sytesprung
liegt mir im Bluet !”
Refr.: Alles fahrt Schi, alles fahrt Schi,
Schi fahrt die ganzi Nation. Alles fahrt Schi, alles fahrt Schi,
d’Mamme, dr Bappe, dr Sohn. Es git halt nüt Schöners, juhe,
juhe, als Sunneschy, Bärge und Schnee.

3. D’Sässelift bringe d’Pärli uffe ins Bärgrestaurant, dört
sitzt dr Köbi und’s Clärli, fröhlig im Liegstuel binand, ‘s Clärli
tuet salbe und schmiere, ‘s liegt an dr Sunne ganz schlapp;
Schüch seit’s mit zündroter Bire: “Ich fahre mit em Bähnli durab !”
Refr.: Alles fahrt Schi, alles fahrt Schi,
Schi fahrt die ganzi Nation. Alles fahrt Schi, alles fahrt Schi,
d’Mamme, dr Bappe, dr Sohn. Es git halt nüt Schöners, juhe,
juhe, als Sunneschy, Bärge und Schnee.

4. Zobe bim Danz seit dr Dölf: “Samba git Vorlag in d’Bei !”
‘s Miggi macht mit bis am zwölfi, ‘s gfallt em, ‘s möcht gar
nümme hei. Schnäll nimmt’s en Schluck vo sym Schnäpsli, git
dänn im Dölf dr Räscht. Plötzlig seit es zu sym Schätzli: “Ich
blib morn dr ganz Daag im Näscht !”
Refr.: Alles fahrt Schi, alles fahrt Schi,
Schi fahrt die ganzi Nation. Alles fahrt Schi, alles fahrt Schi,
d’Mamme, dr Bappe, dr Sohn. Es git halt nüt Schöners, juhe,
juhe, als Sunneschy, Bärge und Schnee.